ვირჯინიის გუბერნატორ ტერი მაკაოლიფის თქმით, პირდაპირი ეთერის დროს ჟურნალისტისა და ოპერატორის მკვლელობა შესაძლოა არხის ყოფილი, განაწყენებული თანამშრომლის ჩადენილი იყოს.
„ეს არ არის ტერორიზმის შემთხვევა. ეს კრიმინალია" - ამბობს გუბერნატორი WTOP-თან საუბარში.
აშშ-ში, ვირჯინიას შტატში WDBJ7 TV-ის ჟურნალისტი და ოპერატორი პირდაპირი ეთერის დროს მოკლეს - ამის შესახებ ინფორმაციას BBC ავრცელებს.
ტელეკომპანიის განცხადებით, მოკლულია 24 წლის ჟურნალისტი ელისონ პარკერი და ოპერატორი, 27 წლის ადამ უორდი.
პირდაპირ ეთერში 8 გასროლის ხმა გაისმა, რის შემდეგაც კამერა წაიქცა. შემთხვევა ბედფორდში, დიდ სავაჭრო ცენტრში მოხდა.
პოლიცია შემთხვევას იძიებს და დამნაშავეს ამ დრომდე ეძებს.
ტელეარხის ინფორმაციით, რესპონდენტი თავდასხმას გადაურჩა.
„ელისონი და ადამინი სროლის შემდეგ მალევე გარდაიცვალნენ. არ ვიცით მკვლელობის მოტივი, არც ის ვიცით, ვინ შეიძლება იყოს დამნაშავე" - ამბობს არხის მთავარი მენეჯერი ჯეფრი მარკსი.