შინაგან საქმეთა სამინისტროს ცნობით, „ბერგმანის“ ვიდეოზე ასახული უცხოელის ცემის ფაქტზე გამოძიება სისხლის სამართლის კოდექსის 125-ე მუხლით მიმდინარეობს. 

როგორც უწყების პრესსამსახურში „ლიბერალს“ განუმარტეს, უცხო ქვეყნის მოქალაქის ცემის ფაქტზე პოლიციაში შეტყობინება სამი დღის წინ შევიდა. დამატებითი დეტალები, როგორც შსს-ში ამბობენ, მოგვიანებით გასაჯაროვდება.

დღეს, 21 სექტემბერს Georgian Ultras facebook-ის გვერდზე გამოქვეყნდა ვიდეო, სადაც ჩანს, რომ მოქალაქეთა ჯგუფი, რომელიც საკუთარ თავს „ბერგმანს“ უწოდებს, ქუჩაში უცხო ქვეყნების მოქალაქეებს ფიზიკურ შეურაცხყოფას აყენებს. ამ დროისთვის აღნიშნული ვიდეო  ჯგუფის ფეისბუქის გვერდიდან წაშლილია.