„თავისუფალმა დემოკრატებმა“ და „ნაციონალური მოძრაობის“ წევრებმა ეროვნული ბანკის შესახებ კანონში ბოლო დროს გატარებულ ცვლილებებთან დაკავშირებით საკონსტიტუციო სასამართლოსთვის ერთობლივი სარჩელი მოამზადეს.
როგორც „ლიბერალთან“ საუბრისას ფრაქცია „თავისუფალი დემოკრატების“ თავმჯდომარე ირაკლი ჩიქოვანი ამბობს, სარჩელს საკონსტიტუციო სასამართლოში დღეს შეიტანენ.
მისი თქმით, „თავისუფალი დემოკრატებიდან“ ნდობით აღჭურვილი პირი შალვა შავგულიძე, ხოლო „ნაციონალური მოძრაობიდან“ პეტრე ცისკარიშვილია.
ჩიქოვანი ამბობს, რომ სარჩელის მომზადების მთავარი არგუმენტი არის ის, რომ იმ კონტიტუციური უფლებამოსილებების, რომლებიც ეროვნულ ბანკს აქვს ქვეყნაში ფინანსურ სტაბილურობაზე, განსახორციელებლად მას სჭირდება ისეთი ორგანო, როგორიც არის ფინასური ზედამხედველობის ორგანო.
„ამიტომ, რადგან ეს ყველაფერი კონსტიტუციაშია გაწერილი, ეს ფუნქციები მასზეა დაკისრებული, ეროვნულ ბანკს ამის განხორციელების ინსტრუმენტიც უნდა ჰქონდეს. თუ ბანკს ამ ინსტრუმენტს ვართმევთ, შესაბამისდ, ვეწინააღმდეგებით კონსტიტუციას“, - აცხადებს ჩიქოვანი.
პარლამენტის მიერ მიღებული კანონით, ეროვნულ ბანკს საბანკო ზედამხედველობის ფუნქცია ჩამოერთვა და ზედამხედველობის დეპარტამენტი დამოუკიდებელ საფინანსო ზედამხედველობის სააგენტოდ ჩამოყალიბებდა.
