მოსამართლე თამაზ ურთმელიძემ „რუსთავი 2-ის" საქმეზე გამართულ სხდომაზე აღნიშნა, რომ მტკიცებულებების სახით წარმოდგენილი სიუჟეტი მიკერძოებულია და მხარის პოზიციას ემთხვევა. 

„სიუჟეტები, რომელიც მოსახლეობამ ნახა, რამდენად აკმაყოფილებს  თვით ჟურნალისტურ ეთიკას, სხვა საკითხია, მაგრამ  სიუჟეტი, რომელიც ერთი ერთში ემთხვევა მხარის პოზიციას, ვფიქრობ, მიკერძოებულია.

ამ დროს მოსამართლის ავტორიტეტი დაცული უნდა იყოს საზოგადოების მაღალი შეგნებით. საზოგადოება უნდა ერიდებოდეს, თუკი არ დასტურდება და მაღალი ალბათობა არ არსებობს, ამა თუ იმ ბრალდების, ასეთ შემთხვევაში, არ უნდა ქვეყნდებოდეს მოსამართლის სახელის შემლახველი ინფორმაციები. თუმცა, მიმაჩნია რომ დღეს ეს არ ხდება ჩვენთან. რაც შეეხება მოსამართლის დეკლარაციას და  ვალდებულებებს. მოსამართლის დეკლარაცია არის ღია, ყველას შეუძლია გაეცნოს, წარმოადგინოს სასამართლო პროცესზე და დასვას აცილების შუამდგომლობა.  რაც შეეხება სიუჟეტში წარმოდგენილ საკითხებს, ეს პირდაპირ არ არის  დაკავშირებული ჩვენს საქმესთან, თუმცა არც ერთი დოკუმენტი, რომელიც  შეიძლებოდა რაიმე სახით განგვეხილა, აქ  არ არის წარმოდგენილი. მხოლოდ და მხოლოდ სიუჟეტში წარმოდგენილ  მოსაზრებებზე სასამართლო არ შეაჩერებს ყურადღებას, "- განაცხადა თამაზ ურთმელიძემ.