პრეზიდენტის მრჩეველმა, პოლიტიკურ საკითხებში, ფიქრია ჩიხრაძემ სახელმწიფო კანცელარიასთან „პატრიოტთა ალიანსის" წევრები მოინახულა, რომლებიც უკვე მეოთხე დღეა, საარჩევნო კოდექსის შეცვლის მოთხოვნით შიმშილობენ.
მისი თქმით სამწუხაროა, რომ დიალოგში მმართველი კოალიციის ჩართვა ვერ მოხერხდა და იმედი გამოთქვა, რომ ამ საკითხზე საუბარი დაიწყება.
ჩიხრაძის თქმით, მან მიმართა ჯანდაცვის მინისტრს, მთავრობის ადმინისტრაციის შენობასთან მოშიმშილეებისათვის სასწრაფო სამედიცინო დახმარების ბრიგადა უზრუნველყოს.
მთავრობის კანცელარიასთან „საქართველოს პატრიოტთა ალიანსის“ საპროტესტო აქცია გრძელდება. როგორც ორგანიზაციის წევრები აცხადებენ, უკვე მეოთხე დღეა, შიმშილობენ და საარჩევნო კოდექსის შეცვლასთან ერთად თავდაცვისა და გარემოს და ბუნებრივი რესურსების დაცვის მინისტრების თინა ხიდაშელისა და გიგლა აგულაშვილის გადადგომას მოითხოვენ.
