საფრანგეთის საჰაერო ძალებმა სირიაში, ქალაქ რაქაში, ISIS-ის ობიექტებზე ავიაიერიში მიიტანეს.
CNN-ის ინფორმაციით, საფრანგეთის ოფიციალური პირები აცხადებენ, რომ თავდასხმა განხორციელდა „ისლამური სახელმწიფოს" რეკრუტირების ცენტრზე, იარაღის საცავსა და საწვრთნელ ბანაკზე.
ISIS რაქას ე.წ. ხალიფატის დედაქალაქად მოიხსენიებს. ობიექტებზე თავდასხმა მას შემდეგ განხორციელდა, რაც ორი დღის წინ ტერორისტებმა პარიზში ტერაქტი მოაწყვეს. საფრანგეთის თავდაცვის მინისტრის მრჩეველი აცხადებს, რომ ავიაიერიშში 12 თვითმფრინავი მონაწილეობდა. მისი განმარტებით, ყველა ობიექტი, რომელზეც თავდასხმა განხორციელდა, განადგურებულია.
