ნიგერიაში ტერაქტს 30-ზე მეტი ადამიანი ემსხვერპლა, 80-მდე კი დაშავდა. როგორც BBC იუწყება, აფეთქება ქვეყნის ჩრდილოეთით, ქალაქ იოლას ბაზრის ტერიტორიაზე დღეს მოხდა. პასუხისმგებლობა ტერაქტზე, ჯერჯერობით, არც ერთ დაჯგუფებას არ აუღია.

როგორც BBC წერს, მსგავსი ტიპის ტერაქტებს ნიგერიაში, როგორც წესი, ექსტრემისტული დაჯგუფება „ბოკო ჰარამი" აწყობს. ბოლო პერიოდში მებრძოლებმა ობიექტებზე, მათ შორის ბაზრებსა და მეჩეთებზე თავდასხმები გაახშირეს და ეს უკვე მეორე თავდასხმაა მიმდინარე წელს. სამაშველო სამსახურის პერსონალის განცხადებით, 80-მდე ადამიანი სხვადასხვა დაზიანებით გადაიყვანეს საავადმყოფოში.