საქართველოსთვის ევროპის კარი ღიაა და ჩვენ მხოლოდ ამის ხელშეწყობას მივესალმებით - ამის შესახებ ევროპულ და ევროატლანტიკურ საკითხებში სახელმწიფო მინისტრმა, დავით ბაქრაძემ ჟურნალისტებთან საუბრისას განაცხადა.
მინისტრის თქმით, საქართველო წელგამართული ხვდება დეკემბერს, როცა ძალიან დიდი ალბათობით ქვეყანა ვიზალიბერალიზაციაზე მიიღებს პოზიტიურ დასკვნას ევროკავშირისგან, რაც ევროკავშირის უმაღლესი წარმომადგენლის, ფედერიკა მოგერინის განცხადებებშიც იყო აღნიშნული.
მინისტრის განცხადებით, გამომდინარე იქიდან, რომ ანტიდასავლური ნარატივი, საქართველოში და მთლიანად მსოფლიოშიც გაძლიერებულია და რომელიც შეიძლება აფერხებს ამ მნიშვნელოვან გზავნილს საქართველოსთვის, ქვეყანა მიიღებს მტკიცე მხარდაჭერას ევროკავშირისგან.
