პარიზის ტერაქტების ორგანიზატორი აბდელჰამიდ აბაუდი მოკლულია. ინფორმაციას ამის შესახებ პარიზის პროკურატურა ავრცელებს.
მათი განცხადებით, აბაუდი გუშინ დილით, პარიზის სენ-დენის გარეუბანში ანტიტერორისტული ოპერაციის დროს სამართალდამცველებმა მოკლეს. როგორც BBC წერს, ტერორისტის ამოცნობა თითის ანაბეჭდით მოხდა. მისი ცხედარი სამართალდამცველებმა იმ ბინის შტურმისას აღმოაჩინეს, სადაც აბაუდი სხვა ტერორისტებთან ერთად იმყოფებოდა.
აბდელჰამიდ აბაუდი ბელგიის მოქალაქე იყო. პარიზის ტერაქტების შემდეგ ვრცელდებოდა ინფორმაცია, რომ მან თავდასხმები სირიიდან დაგეგმა.
