გაეროს უშიშროების საბჭომ საფრანგეთის მიერ შემუშავებულ რეზოლუციას ტერორიზმთან ბრძოლის გააქტიურების შესახებ მხარი ერთხმად დაუჭირა.
რეზოლუციით საფრანგეთი მოუწოდებს გაეროს წევრ სახელმწიფოებს, „ისლამურ სახელმწიფოსთან" და სხვა ტერორისტულ დაჯგუფებებთან ბრძოლის მიზნით „ყველა საჭირო ზომა მიიღონ".
გაეროს უშიშროების საბჭო მოუწოდებს წევრ სახელმწიფოებს, „ამოძირკვონ უსაფრთხო თავშესაფრები", რომელიც „ისლამურმა სახელმწიფომ" და სხვა დაჯგუფებებმა ერაყისა და სირიის ტერიტორიაზე შექმნეს.
საბჭო ასევე მოუწოდებს გაეროს წევრ სახელმწიფოებს „გააორმაგონ ძალისხმევა და შეთანხმებულად იმოქმედონ ტერორისტული თავდასხმების პრევენციისა და აღკვეთის მიზნით".
დოკუმენტი გმობს ლიბანში, ტუნისსა და თურქეთში განხორციელებულ მასშტაბურ ტერაქტებს.
რეზოლუციას გაეროს უშიშროების საბჭოს 15-ივე წევრმა დაუჭირა მხარი.
