თურქეთის საგარეო საქმეთა სამინისტრომ აშშ-ის, საფრანგეთის, ჩინეთისა და ბრიტანეთის ელჩები მიიწვია, რუსული „სუ-24-ის“ ჩამოგდების საკითხების განსახილველად, - წერს REUTERS. ამის შესახებ თურქეთის ხელისუფლების ოფიციალურმა წარმომადგენელმა განაცხადა.
მანამდე ცნობილი გახდა, რომ თურქეთის საგარეო საქმეთა სამინისტრომ „სუ-24-ის“ საკითხთან დაკავშირებით რუსეთის ელჩი გამოიძახა. 24 ნოემბერს სირიაში ჩამოვარდა რუსული ბომბდამშენი „სუ-24“. ამაზე პასუხისმგებლობა აიღო თურქეთმა, რომელმაც რუსეთი ქვეყნის საჰაერო სივრცის დარღვევაში დაადანაშაულა. მოსკოვი ამტკიცებს, რომ ბომბდამშენი უშუალოდ სირიის თავზე მიფრინავდა.
