საფრანგეთში პარიზზე თავდასხმის 2 კვირის თავზე დაღუპული 130 ადამიანის ხსოვნისადმი მიძღვნილი პროცესია მიმდინარეობს.
პარიზის ცენტრში პროცესიას დაახლოებით 1000 ადამიანი ესწრება, მათ შორის პრეზიდენტი ფრანსუა ოლანდი, თავდასხმისას გადარჩენილები და გარდაცვლილთა ოჯახის წევრები.
დაღუპულებს წუთიერი დუმილით მიაგეს პატივი და მათი სახელები გამოაცხადეს.
პრეზიდენტმა მოსახლეობას მიმართა ხსოვნის პროცესიაში ჩართვის ნიშნად სახლები სამფეროვანი დროშებით მოერთოთ.
„ვეცადეთ, მოგვეფიქრებინა ისეთი რამ, რაც ყველა ფრანგს მისცემდა შესაძლებლობას, გამოეხატა სოლიდარობა“, - განაცხადა სამთავრობო სპიკერმა, შტეფან ლე ფოლმა.
წყარო: BBC
