„ერთიანი ნაციონალური მოძრაობა" ევროკომისიის, ევროპარლამენტის, ევროკავშირის საბჭოს, ევროპული საბჭოს, ევროკავშირის საგარეო ურთიერთობათა სამსახურის სახელზე პარლამენტის მიმართვის პროექტში მთავრობისადმი სიტყვის თავისუფლების უზრუნველყოფის მოთხოვნის შესახებ ჩანაწერის ჩამატებას ითხოვს, რასაც საპარლამენტო უმრავლესობა ეწინააღმდეგება.
დეპუტატი გიორგი გაბაშვილი აღნიშნავს, რომ ტექსტი, რომლის ჩამატებასაც ენმ ითხოვს, ევროკავშირის ყველა დოკუმენტში წერია.
„მოვუწოდებთ საქართველოს მთავრობას, ევროპული ინტეგრაციის მიმდინარე პროცესის გათვალისწინებით გააცნობიეროს თავისი განსაკუთრებული პასუხისმგებლობა ქვეყანაში კონსოლიდერებული დემოკრატიის არსებობის აუცილებლობაში და დაიცვას დემოკრატიული სტანდარტების ისეთი კატეგორიები, როგორებიც არის თავისუფალი და სამართლიანი არჩევნები, კანონის უზენაესობა, მართლმსსაჯულების სისტემის დამოუკიდებლობა, საკუთრების უფლება, სიტყვის და მედიის თავისუფლება, ადამიანის უფლებები და გამჭვირვალობა" - ეს სწორედ ის სიტყვებია, რომელთა მიმართვაში ჩამატებასაც ენმ ითხოვს.
ევროკავშირისადმი მიმართვის ტექსტი ფრაქცია „თავისუფალი დემოკრატების“, ევრონესტის საპარლამენტო ასამბლეის თანა-პრეზიდენტმა, ვიქტორ დოლიძემ მოამზადა.
