„გუშინ, გვიან საღამოს მქონდა საუბარი ევროკავშირში და მინდა პირველად ვუთხრა საზოგადოებას, თქვენ ყველას გითხრათ, რომ დღეს გამოქვეყნდება საბოლოო ანგარიში ევროკავშირის, სადაც საქართველოსთან მიმართებით არის პოზიტიური დასკვნა", - განცხადება პრემიერ-მინისტრმა, ირაკლი ღარიბაშვილმა მთავრობის სხდომის დაწყებამდე.
პრემიერი ვიზალიბერალიზაციას საქართველოს უახლეს ისტორიაში უმნიშვნელოვანეს მოვლენად აფასებს.
„ყველას გილოცავთ. მინდა მადლობა გადაგიხადოთ მთავრობის თითოეულ წევრს, ძალიან შრომატევადი საქმე იყო. მინდა ყველას მოგილოცოთ, ჩვენ 100 პროცენტით შევასრულეთ ნაკისრი მოვალეობები და ვალდებულებები ევროკავშირთან მიმართებით, არც ერთი კითხვა არ დაგვიტოვებია... ვულოცავ ქართველ ხალხს, ეს არის ქართველი ხალხის გამარჯვება. ეს არის მათი ამდენი ხნის ლოდინის დაფასება. ეს არის ქართველი ხალხის ნდობის დადასტურება ევროპის მხრიდან“, - აღნიშნა პრემიერმა.
საქართველოში ევროკავშირის წარმომადგენლობის ინფორმაციით, საქართველოს ვიზალიბერალიზაციის მე-4 პროგრესანგარიში დღეს გამოქვეყნდება.
„საქართველოში ევროკავშირის წარმომადგენლობა გატყობინებთ, რომ 18 დეკემბერს ევროკომისია გამოაქვეყნებს ანგარიშს „საქართველოს მიერ სავიზო რეჟიმის ლიბერალიზაციის სამოქმედო გეგმის“ შესრულების შესახებ. ანგარიშის გამოქვეყნების პარალელურად, ელჩი იანოშ ჰერმანი გამართავს პრესკონფერენციას თბილისში", - ნათქვამია ევროკავშირის წარმომადგენლობის განცხადებაში.
