აშშ-ის „ეროვნულ დემოკრატიული ინსტიტუტის" (NDI) კვლევის მიხედვით, შეკითხვაზე, ხვალ რომ საპარლამენტო არჩევნები ტარდებოდეს, გადაწყვეტილი გაქვთ თუ არა ვის მისცემდით ხმას, გამოკითხულთა 60% პასუხობს, რომ  გადაწყვეტილი არ აქვს.

ხვალ რომ საპარლამენტო არჩევნები ტარდებოდეს, გადაწყვეტილი თუ ვის მისცემდა ხმას 35% აქვს.

3%-მა ამ კითხვაზე პასუხი არ იცის, პასუხის გაცემაზე უარი კი 2%-მა განაცხადა.

რაც შეეხება კითხვას, ხვალ რომ საპარლამენტო არჩევნები იყოს, მიიღებდით თუ არა მონაწილეობას, შედეგების მიხედვით, მოსახლეობის 64% სავარაუდოდ მიიღებდა მონაწილეობას, ხოლო 36% სავარაუდოდ არ მიიღებდა მონაწილეობას.

დღეს NDI-მ სოციოლოგიური კვლევის შედეგები გამოაქვეყნა. NDI-ის კვლევის საველე სამუშაოები მოიცავს 2015 წლის 17 ნოემრიდან - 7 დეკემბრის პერიოდს. გამოიკითხა 1881 ადამიანი. წარმომადგენლობითი შერჩევა ქვეყნის მასშტაბით ქართულენოვან მოსახლეობას შორის ამასთან, დამატებითი წარმომადგენლობითი შერჩევა თბილისში, ქალაქისა და სოფლის ტიპის დასახლებებში ჩატარდა. საშუალო ცდომილების ზღვარი არის +/- 1;

NDI და CRRC კვლევაში იყენებს სტრატიფიცირებული და კლასტერული შერჩევის მეთოდს (სტრატიფიცირება - მოსახლეობის დაყოფა შედარებით ჰომოგენურ ჯგუფებად;

კლასტერნიგი - თითოეული ჯგუფიდან (სტრატა) პატარა გეოგრაფიული არეალების შემთხვევითი შერჩევა). ყველა ინრევიუ ცატარდა პირისპირი ინტერვიუს მეთოდით, სამიდან რომელიმე ენაზე: ქართული, სომხური და აზერბაიჯანული.

კვლევა ჩატარებულია NDI-ის დაკვეთით CRRC-საქართველოს მიერ. იგი დაფინანსებულია შვედეთის საერთაშორისო განვითარებისა და თანამშრომლობის სააგენტოს (Sida) მიერ.