ევროკავშირის სადამკვირვებლო მისიამ და ევროკავშირის წარმომადგენლობამ საქართველოში „ევროკავშირის პრიზი ჟურნალისტიკაში 2015”-ის გამარჯვებულები გამოავლინა.
ნომინაციაში საუკეთესო საგამომძიებლო სტატია ბეჭდვით ან ონლაინ მედიაში პრიზი ჟურნალ „ლიბერალის“ რედაქტორმა ზურა ვარდიაშვილმა აიღო სტატიისთვის „სიღარიბის შვილები“.
ნომინაციაში საუკეთესო ონლაინ ან ბეჭდური ბლოგი, დაჯილდოვდა ანუნა ბუკია „ლიბერალზე“ გამოქვეყნებული ბლოგისთვის „პაციენტის დღიურები“.
საუკეთესო საგამოძიებო ტელე/რადიოსიუჟეტის ნომინაციაში „გამომძიებელი რეპორტიორის“ ჟურნალისტებმა ლია ტოკლიკიშვილმა (თანაავტორი მაია გოგოლაძე) გაიმარჯვა სიუჟეტისთვის „ოქროსთვის შეწირული ქალაქი“.
ყველაზე ინფორმაციულ ონლაინ მედიად „ჩაი ხანა“ დასახელდა, ხოლო საუკეთესო დოკუმენტური ფოტოს ნომინაციაში დარო სულაკაურის „ნაადრევმა ქორწინებამ“ გაიმარჯვა.
EUMM-ის ჯილდო მშვიდობის ჟურნალისტიკაში ნინო ჩიბჩიურმა აიღო სტატიისთვის „ექიმები კონფლიქტის რეგიონში ჯანმრთელობის ხიდებს აშენებენ“.
კონკურსი „ევროკავშირის პრიზი ჟურნალისტიკაში“ საქართველოში ევროკავშირის წარმომადგენლობის ინიციატივით ყოველწლიურად იმართება.