დანიელ მამაკაცს, რომელიც მექსიკასა და ბრაზილიაში მოგზაურობიდან დაბრუნდა, ვირუსი „ზიკა" აღმოაჩნდა, - დანიის ჯანდაცვის სამინისტროს ინფორმაციით, მისი მდგომარეობა საგანგაშო არაა და მალე გამოჯანმრთელდება.

ვირუსი, რომელიც კოღოს ნაკბენით გადადის, ბრაზილიაში გავრცელდა და მის გამო ბავშვები ტვინის დაზიანებით იბადებიან - ბავშვები არაბუნებრივად პატარა თავებით იბადებიან. დაავადებულთა 80%-ს არავითარი სიმპტომი არ აღენიშნება, რაც გადადების შანსს ერთი-ორად ზრდის, მათ შორის, ორსულ ქალებში. იმის გამო, რომ ვირუსის წინააღმდეგ, ჯერჯერობით, ვაქცინა არ არსებობს, კოლუმბიასა და ბრაზილიაში ჯანდაცვის სამინისტროები ქალებს დაორსულებისგან დროებით თავის შეკავებას ურჩევენ.

„ზიკას" გავრცელება მოსალოდნელი არაა ცივ ქვეყნებში, სადაც კოღოების გამრავლებისთვის შესაბამისი პირობები არაა.  ვირუსი პირველად 1947 წელს უგანდაში გაჩნდა, თუმცა 2014 წლამდე სხვა ტერიტორიაზე არ დაფიქსირებულა.

წყარო: Euronews