გიორგი ქადაგიძემ, საქართველოს ეროვნული ბანკის პრეზიდენტის რანგში დღეს ბოლო შეხვედრა გამართა და ბანკის თანამშრომლებს დაემშვიდობა.
„ვფიქრობ, ერთად ბევრი სასიკეთო და მნიშვნელოვანი საქმის გაკეთება შევძელით, რაც უდავოდ არის თითოეული თქვენგანის დიდი შრომისა და მონდომების შედეგი. შემდგომ წარმატებებს და გამარჯვებებს გისურვებთ", - განაცხადა გიორგი ქადაგიძემ.
გიორგი ქადაგიძე საქართველოს ეროვნული ბანკის პრეზიდენტად 7-წლიანი ვადით, 2009 წლის 26 თებერვალს დაინიშნა.
საქართველოს პრეზიდენტმა გიორგი მარგველაშვილმა ეროვნული ბანკის საბჭოს წევრობის კანდადად პარლამენტს კობა გვენეტაძე წარუდგინა.
საქართველოს კონსტიტუციის თანახმად, საქართველოს ეროვნული ბანკის უმაღლესი ორგანოა ეროვნული ბანკის საბჭო, რომლის წევრებს საქართველოს პრეზიდენტის წარდგინებით 7 წლის ვადით სიითი შემადგენლობის უმრავლესობით ირჩევს პარლამენტი. ეროვნული ბანკის საბჭოს წევრების გადაყენება შეიძლება მხოლოდ პარლამენტის გადაწყვეტილებით.
ეროვნული ბანკის პრეზიდენტს ეროვნული ბანკის საბჭოს წევრთაგან თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი.
