საბჭოს მიერ საქალაქო სასამართლოს ახლად არჩეული თავმჯდომარე, გიორგი მიქაუტაძე ამბობს, რომ ამ თანამდებობიდან მამუკა ახვლედიანის გადაყენების შესახებ გადაწყვეტილება საბჭომ მიიღო და მისი აზრით ეს სწორი გადაწყვეტილებაა.
სასამართლოში არსებული პრობლემებზე საუბრისას მან განაცხადა, რომ გადასახედია აპარატის ფუნქციები და საქმეთა განაწილება.
იუსტიციის უმაღლესმა საბჭომ თბილისის საქალაქო სასამართლოს თავმჯდომარედ გიორგი მიქაუტაძე 12 ხმით 1-ის წინააღმდეგ აირჩია.
კანდიდატურის წინააღმდეგ ხმა საბჭოს წევრად პრეზიდენტის კვოტით წარდგენილმა ვახტანგ მჭედლიშვილმა მისცა, რომელმაც დღეს კანდიდატად საქალაქო სასამართლოს თავმჯდომარის მოვალეობის შემსრულებელი გიორგი ებანოიძე დაასახელა.
გიორგი მიქაუტაძე კანდიდატად იუსტიციის უმაღლესი საბჭოს მდივანმა, ლევან მურუსიძემ დაასახელა.
