ბელგიის მედიის ცნობით, ბრიუსელში მომხდარ აფეთქებებში ეჭვმიტანილი პირი სამართალდამცავებმა დააკავეს.
ნიჯიმ ლააქრაუი, რომელიც, სავარაუდოდ, სათვალთვალო კამერებით გადაღებულ სამ მამაკაცს შორის ერთ-ერთია, ანდერლექტის მიდამოებში დააკავეს - წერს BBC.
ბელგიის მედიამ ფოტოზე აღბეჭდილი სხვა პირების ვინაობაც გაახმაურა. ისინი, სავარაუდოდ, ძმები არიან. ხალიდ და ბრაჰიმ ელ-ბაკრაოუები ტერორისტულ ქმედებებში შემჩნეულები აქამდე არ ყოფილან, თუმცა ორივე მათგანი ნასამართლებია.
ტელეარხის ცნობით, ხალიხ ელ-ბაკბაოუი ბინას ბელგიის დედაქალაქში სხვა სახელით ქირაობდა იმ უბანში, სადაც წინა კვირას პოლიციამ შეიარაღებული პირი მოკლა.
აეროპორტსა და მეტროში მომხდარი აფეთქებების შედეგად 34 ადამიანი დაიღუპა და 250 დაშავდა.
