ბელგიის ჯანდაცვის მინისტრის განცხადებით, ტერაქტის შედეგად დაშავებულები ინტენსიური ზედამხედველობის ქვეშ არიან.
მისი თქმით, 300 დაჭრილიდან 61 ადამიანის მდგომარეობა კრიტიკულად მძიმეა და მოსალოდნელია, რომ დაღუპულთა რაოდენობა გაიზრდება.
პროკურატურამ დაადასტურა, რომ 4-დან ორი თავდამსხმელი იდენტიფიცირებულულია და ისინი ძმები არიან.
თავდამსხმელთაგან ერთს პოლიცია ეძებს.
ვრცელდება ჯერჯერობით დაუდასტურებელი ინფორმაციაც, რომ კიდევ ერთი თავდამსხმელი ნაჯიმ ლააქროუი იყო, რომელსაც პარიზის ტერაქტთან აქვს კავშირი.
მომხდარზე პასუხისმგებლობა „ისლამურმა სახელმწიფომ" აიღო.
ევროკავშირის წევრი ქვეყნების შინაგან საქმეთა მინისტრები ტერაქტზე საპასუხო ზომების განსახილველად ბრიუსელში ხუთშაბათს გეგმავენ შეხვედრას.