პარტია „ეროვნულმა ფორუმმა“ რიგგარეშე ყრილობაზე კოალიცია „ქართული ოცნების“ დატოვების გადაწყვეტილება მიიღო. დღეს კი „ეროვნული ფორუმი“ სპეციალურ ბრიფინგს გამართავს, რომელზეც საპარლამენტო უმრავლესობიდან გასვლის თაობაზე განაცხადებენ.
როგორც პარტიის ერთ-ერთმა ლიდერმა, გუბაზ სანიკიძემ ჟურნალისტებთან თქვა, კოალიციის დატოვების შემთხვევაში, ის პარლამენტის ვიცე-სპიკერის თანამდებობასაც დატოვებს.
სანიკიძისვე თქმით, კოალიცია, ფაქტობრივად, უკვე მხოლოდ ფორმალურად არსებობს.
როგორც 31 მარტს გახდა ცნობილი, „საქართველოს რესპუბლიკური პარტია" საპარლამენტო არჩევნებისთვის დამოუკიდებელ, ინდივიდუალურ რეჟიმში ემზადება.
„ამით ჩვენ ვწყვეტთ დროისა და ენერგიის ფუჭად ხარჯვას კოალიციურ ფორმატში საარჩევნო სტრუქტურების შექმნაზე და მივმართავთ მას პარტიის საარჩევნო პრიორიტეტებისკენ", - აცხადებენ პარტიაში.
„რეპუბლიკური პარტიის" ამ განცხადების შემდეგ ცნობილი გახდა, რომ საპარლამენტო არჩევნებში პარტია „ქართული ოცნებაც" დამოუკიდებლად მიიღებს მონაწილეობას.
