NDI-ის კვლევის მიხედვით, შეკითხვაზე, ხვალ რომ საპარლამენტო არჩევნები ტარდებოდეს, რომელ პარტიას მისცემდით ხმას, ყველა რესპონდენტის პასუხის მიხედვით, მოსახლეობის 15% კოალიცია „ქართულ ოცნებას" ასახელებს, შემდეგ მოდის „ნაციონალური მოძრაობა" - 13%; თავისუფალი დემოკრატები - 6%; მოსახლეობის 36%-მა არ იცის, თუ ვის მისცემს ხმას.
რაც შეეხება მხოლოდ იმ ამომრჩეველთა მონაცემებს, რომლებსაც გადაწყვეტილი აქვთ არჩევნებში მონაწილეობა, კოალიცია „ქართულ ოცნებას" 29% მისცემდა ხმას, „ნაციონალური მოძრაობას" კი - 27%.
NDI-ის გამოკითხვა 2016 წლის 23 თებერვლიდან 4 მარტის პერიოდში, საქართველოს მასშტაბით 3,900 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა. კვლევაში საშუალო ცდომილების ზღვარი არის +/-1,6%. NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (SIDA) და ატარებს CRRC-საქართველო.
