ავღანეთში თვითმკვლელი ტერორისტის მიერ პიკის საათში ავტომანქანის აფეთქების შედეგად 200 დაიჭრა და დაიღუპა რამდენიმე ადამიანი. შემთხვევა დღეს დილით ავღანეთის დედაქალაქ ქაბულში მოხდა. ეს დედაქალაქში პირველი თავდასხმაა, მას შემდეგ, რაც 12 აპრილს თალიბნმა იერიშის დაწყება გამოაცხადა.
შემთხვევა პრეზიდენტის სასახლიდან რამდენიმე ასეულ მეტრში მოხდა. პრეზიდენტი, აშაფ ღანი მომხდარს საგანგებო განცხადებით გამოეხმაურა და დაგმო თავდასხმა. აფეთქებაზე პასუხისმგებლობა თალიბანმა აიღო.
ბოლო ერთი კვირაა, საბრძოლო მოქმედებები მიმდინარეობს ქვეყნის ჩრდილოეთში, სტრატეგიულად მნიშვნელოვან ქალაქ კუნდუზში, მას შემდეგ, რაც თალიბანმა გაზაფხულის იერიშების დაწყება დააანონსა.