შრომის, ჯანმრთელობის დაცვისა და სოციალურ საკითხთა კომიტეტის სხდომაზე ამ წუთებში ჯანდაცვის მინისტრ დავით სერგეენკოს უსმენენ.
„ერთიანი ნაციონალური მოძრაობის“ წევრის, კობა სუბელიანის შეკითხვაზე, „პლანი“ უფრო საზიანოა ჯანმრთელობისთვის თუ ალკოჰოლი და თამბაქო“, სერგეენკომ უპასუხა, რომ ეს მისი სპეციალობა არ არის.
„კითხვის ფორმულირება ისეთია, რომ თქვენ მთხოვეთ გამეცა დიხოტომური პასუხი, ანუ კი თუ არა. მე არა ვარ ამის სპეციალისტი და ამის თქმა გამიჭირდება, მაგრამ შემიძლია გითხრათ ის, რომ მოსაზრება, თითქოს მარიხუანის ლეგალიზაცია რაღაც მნიშვნელოვან როლს შეიტანს მძიმე ნარკოტიკების მოხმარების საკითხში, მე არ ვარ სპეციალისტი. თუ თქვენ გნებავთ სამედიცინო კლინიკური ექსპერტის თვალსაზრისი, თუ შეიძლება ანესთეზიაში, რეანიმაციაში და გადაუდებელ დახმარებაში, შეგიძლიათ ფარმაკოლოგია ფიზიოლოგიაშიც მკითხოთ - ეს არ არის ჩემი სპეციალობა“, - განაცხადა დავით სერგეენკომ.
