შინაგან საქმეთა მინისტრის მოადგილემ, არჩილ თალაკვაძემ გადაცემა „ინტერview-ში“ ნარკოპოლიტიკაზე საუბრისას განაცხადა, რომ ურინოტესტირება უახლოეს მომავალში შეიცვლება, თუმცა არ დაუკონკრეტებია, რით ჩანაცვლდება ნარკოტესტირებისას ბიოლოგიური მასალის ჩაბარების მეთოდი, ან როდის.
„რაც შეეხება ურინოტესტირებას, მე გეტყვით პირდაპირ, რომ მინისტრის დავალებით ვმუშაობთ და, ალბათ, უახლოეს მომავალში სამინისტროში გვექნება ახალი ტექნოლოგიები, რომელიც ურინოტესტირებას მთლიანად ჩაანაცვლებს და ადამიანს არავითარი ბოილოგიური მასალის ჩაბარება აღარ მოუწევს. ეს საკითხიც დღეს თუ ხვალ აღმოიფხვრება და, ამიტომ, შეიძლება ითქვას, რომ ეს წუხილიც მოიხსენება“, - განაცხადა არჩილ თალაკვაძემ.
