"ევროვიზია 2016"-ის რიგით 61-ე კონკურსის გამარჯვებული უკრაინის წარმომადგენელი, მუსიკოსი ჯამალა გახდა.
მეორე ადგილზე ავსტრალია გავიდა, მესამე ადგილი კი რუსეთმა დაიკავა.
გამარჯვებული კომპეტენტურმა ჟიურიმ და ევროპელმა მაყურებელმა ხმის მიცემის შედეგად გამოავლინეს.
2016 წლის ევროვიზიის სიმღერის კონკურსზე საქართველოს წარმომადგენლები ნიკა კოჩაროვი და ჯგუფი Young Georgian Lolitaz, სიმღერით Midnight Gold მე-20 ადგილზე გავიდნენ. აღსანიშნავია, რომ საქართველოს წარმომადგენლებმა დიდი ბრიტანეთის პროფესიული ჟიურისგან მაქსიმალური – 12 ქულა მიიღეს.
ევროვიზიის სიმღერის რიგით 61-ე კონკურსს სტოკჰოლმი, შვედეთი მასპინძლობდა. აღნიშნული გამარჯვებით უკრაინამ 2017 წლის ევროფესტივალის მასპინძელი ქვეყნის სტატუსი მოიპოვა.
