კომპანია „ჯორჯიან უოთერ ენდ ფაუერი“ თბილისის მოსახლეობაში წყლის სუნთან დაკავშირებით გავრცელებულ ინფორმაციას ეხმაურება.

როგორც, კომპანია „ჯორჯიან უოთერ ენდ ფაუერის“ მიერ გავრცელებულ განცხადებაში ვკითხულობთ, წყლის ხარისხის პარამეტრები უცვლელია.

"სასმელი წყლის ხარისხი დედაქალაქში აბსოლუტურად აკმაყოფილებს ჯანმრთელობის მსოფლიო ორგანიზაციის რეკომენდაციებს და ეროვნული რეგლამენტის მოთხოვნებს.

„ჯორჯიან უოთერ ენდ ფაუერის“ მაკონტროლებელი ცენტრალური ქიმიურ-მიკრობიოლოგიური ლაბორატორიის მიერ, 24 საათიან რეჟიმში, ყოველ ნახევარ საათში ერთხელ ხდება წყლის ხარისხის შემოწმება და ყველა პარამეტრი მკაცრად არის დაცული.

ინდივიდუალურად, აბონენტის მოთხოვნის შემთხვევაში, 24 საათიან რეჟიმში, შეუძლიათ დაუკავშირდნენ ცხელ ხაზს ნომერზე - 293 11 11. კომპანიის ლაბორატორიის წარმომადგენლები, კონკრეტულ მისამართზე, აბონენტის ონკანიდან აიღებენ წყლის სინჯს",- ნათქვამია კომპანიის მიერ გავრცელებულ განცხადებაში.