„ჭიდაობის ფედერაცია გმობს ნებისმიერი სახის ძალადობას, არანაირ ორგანიზებულ მსვლელობას ჭიდაობის ფედერაციის მხრიდან ადგილი არ ჰქონია და არც ექნება", - ნათქვამია ფედერაციის განცხადებაში.
განცხადების თანახმად, მოჭიდავეების ოჯახის სახელით სარგებლობის უფლება არ აქვს არც ერთ თუნდაც ტიტულოვან სპორტსმენს.
„აქვე ვაცხადებთ, რომ ფედერაცია არ აკონტროლებს ცალკეული ყოფილი და მოქმედი მოჭიდავეების პოლიტიკურ სიმპათიებს და რჩება აპოლიტიკურ ორგანიზაციად", - აღნიშნავს ფედერაცია.
22 მაისს, „ნაციონალური მოძრაობის" წარმომადგენლებს ზუგდიდის მუნიციპალიტეტის სოფელ კორცხელში საკრებულოს შუალედური არჩევნების პარალელურად ფიზიკურად დაუპირისპირდნენ.
ვიდეოკადრებში ჩანს, რომ სხვა აქტივისტებთან ერთად სოფელ კორცხელში ფიზიკურად გაუსწორდნენ „ერთიანი ნაციონალური მოძრაობის“ საერთაშორისო მდივანს, გიგა ბოკერიას, „ნაციონალური მოძრაობის" წევრებს: ნიკა მელიას, თენგიზ გუნავას, ლაშა დამენიას, აგრეთვე - ფრაქცია „ერთიანი ნაიცონალური მოძრაობის" წევრს აკაკი მინაშვილს.