„ქალბატონ თამარს ნამდვილად არავინ უშლის ამას [სექსს], ჰქონდეს, რაოდენობას თვითონ დაადგენს", - ასე გამოეხმაურა პარლამენტის საფინანსო-საბიუჯეტო კომიტეტის თავმჯდომარე თამაზ მეჭიაური ფრაქცია „რესპუბლიკელების" თავმჯდომარის მოადგილის, თამარ კორძაიას განცხადებას.
პარლამენტის პლენარულ სხდომაზე კონსტიტუციაში ცვლილების პროექტს განიხილავენ, რომლის თანახმად, კონსტიტუციაში ქორწინების ცნება დაზუსტდება.
როგორც მეჭიაური ამბობს, პარლამენტი ნამდვილად არ არის უსაქმური, რომ თამარ კორძაიას ჭკუაზე იაროს და საკითხები მას შეუთანხმოს.
„ამის [ქორწინების ცნების] ფორმულირება აუცილებელია, რომ ზოგიერთ ლიბერალს არ გაუჩნდეს მისი სხვანაირად ინტერპრეტირების საშუალება”, - განაცხადა მეჭიაურმა ჟურნალისტებთან საუბარში.
