განათლებისა და მეცნიერების სამინისტრომ ახალი, 2017-2023 წლებისთვის გათვლილი ეროვნული სასაწავლო გეგმები დაამტკიცა.
დამტკიცებულ სასწავლო გეგმებში არის საზოგადოებრივი მეცნიერებების საფუძვლების საგნები,- "მე და საზოგადოება", რომელიც მე-3 და მე-4 კლასებისთვისაა განკუთვნილი და "ჩვენი საქართველო", რომელიც მე-5 და მე-6 კლასებისთვისაა განკუთვნილი.
განათლებისა და მეცნიერების მინისტრმა ახალი სასწავლო გეგმის დამტკიცებას ხელი მიმდინარე წლის 18 მაისს მოაწერა, ხოლო 25 მაისს საკანონმდებლო მაცნეში გამოქვეყნდა.
სამინისტროს საზოგადოებასთან ურთიერთობის სამსახურის ცნობით, ახალი ეროვნული სასწავლო გეგმების პრეზენტაცია ახლო მომავალში გაიმართება.
უნდა დანერგილიყო თუ არა საქართველოს საჯარო სკოლებში საგანი "მე და საზოგადოება", აქტიური დისკუსიის საგანი იყო თვეების განმავლობაში. საგნის შინაარსისა და მიზნების მიმართ კრიტიკულად იყო განწყობილი საქართველოს საპატრიარქო. საგნის დანერგვის მოწინააღმდეგეთა რიგებში ერთ-ერთი ყველაზე აქტიური „იაკობ გოგებაშვილის სახელობის სასწავლებლის” დამფუძნებელი და დემოგრაფიული განვითარების ფონდის სამეთვალყურეო საბჭოს თავმჯდომარე, ლევან ვასაძე იყო.
