ეკონომიკის სამინისტროსთან სოციალურად დაუცველები არიან შეკრებილები და საერთო საცხოვრებელში ელექტროენერგიის ჩართვას მოითხოვენ, - როგორც „ლიბერალის“ კორესპონდენტს იქ შეკრებილებმა უთხრეს, საერთო საცხოვრებელს ძველი დავალიანება აქვს, რომლის გადახდასაც სოციალურად დაუცველებს სთხოვენ.
„წინააღმდეგ შემთხვევაში, ელექტროენერგიას არ ჩაგირთავთო“, - ამბობენ სამინისტროსთან შეკრებილები.
ისინი სამინისტროს წარმომადგენელთან შეხვედრას მოითხოვენ.
„გამოვიდეს ვინმე და დაგველაპარაკოს“, - აცხადებენ აქციის მონაწილეები.
„ლიბერალის“ კორესპონდენტის ინფორმაციით, სახელმწიფო ქონების ეროვნული სააგენტოს თავმჯდომარემ ეკატერინე სისაურმა აქციის მონაწილეებს შეხვედრა შესთავაზა თუ რამდენიმე წარმომადგენელი კაბინეტში ავა მასთან, სოციალურად დაუცველებს კი საჯაროდ სურთ შეხვედრა.
