პროკურატურის ინფორმაციით, ყოფილი ცოლის მიმართ ეჭვიანობის ნიადაგზე მუქარის გამო ბრალდებულს სასამართლომ თავისუფლების 10 თვით აღკვეთა მიუსაჯა. 

„სასამართლოში ბრალდების მხარის მიერ წარდგენილი მტკიცებულებებით უტყუარად დადასტურდა, რომ 2016 წლის 19 აპრილს მ. მ. მივიდა ყოფილ მეუღლის - ნ. მ.-ს საცხოვრებელ ბინაში, რომელთან ერთადაც დაახლოებით 20 წლის განმავლობაში იმყოფებოდა ქორწინებაში და ეჭვიანობის ნიადაგზე, დანის გამოყენებით დაემუქრა ჯანმრთელობის დაზიანებითა და სიცოცხლის მოსპობით" - ნათქვამია პროკურატურის განცხადებაში.

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და მ. მ. დამნაშავედ სცნო საქართველოს სისხლის სამართლის კოდექსის  11'-151-ე მუხლით (მუქარა ოჯახის წევრის მიმართ).