თბილისის მერის, დავით ნარმანიას თქმით, ჰესი არა ბოტანიკური ბაღის, არამედ მისგან მოშორებით შენდება და ამის შესახებ გადაწყვეტილება ცენტრალურმა ხელისუფლებამ მიიღო.
ნარმანიას თქმით, „ნაციონალური მოძრაობის“ მიერ გავრცელებული ინფორმაცია, თითქოს ჰესის მშენებლობა ბოტანიკურ ბაღში იგეგმება, სიცრუეა.
„სრული პასუხისმგებლობით ვაცხადებ, რომ ბოტანიკური ბაღის ტერიტორიაზე ჰესი არ შენდება. რაც შეეხება მის გარეთ საკმაოდ მოშორებულ ტერიტორიაზე პატარა ჰესის მშენებლობას, აღნიშნულთამ დაკავშირებით გადაწყვეტილება მიიღო ცენტრალურმა ხელისუფლებამ. ჩვენთან ჯერ პროექტის განხორციელებაზე მშენებლობის ნებართვა არ გაგვიცია, თუმცა დადგენილი წესით ის განხილული იქნება“ - თქვა ნარმანიამ ჟურნალისტებთან საუბარში.
„ნაციონალური მოძრაობის“ წევრმა, ნიკა მელიამ ბოტანიკურ ბაღში გამართულ პრესკონფერენციაზე განაცხადა, რომ „შარშან, წლის ბოლოს, კალაძემ, როგორც ენერგეტიკის მინისტრმა და „წავკისი ჰესმა“ , ასე ვთქვათ, ივანიშვილის კომპანიამ, გააფორმეს მემორანდუმი, რომლის საფუძველზეც ბოტანიკურ ბაღში უნდა აშენდეს ჰესი თავისი კაშხლით“
