თბილისის სააპელაციო სასამართლო „რუსთავი 2-ის" საქმეზე გადაწყვეტილებას ხვალ გამოაცხადებს. პროცესი, 10 ივნისს, დილის 10:00 საათზეა ჩანიშნული.
სააპელაციო სასამართლოში საქმის განხილვა 7 ივნისს მტკიცებულებათა გამოკვლევით დასრულდა.
„რუსთავი 2-მა" სააპელაციო სასამართლოში 3 ნოემბრის გადაწყვეტილება გასაჩივრა, რომლის მიხედვითაც, პირველი ინსტანციის სასამართლომ დააკმაყოფილა ქიბარ ხალვაშის სარჩელი და „სამაუწყებლო კომპანია რუსთავი 2-ის" წილის მესაკუთრეებად ქიბარ ხალვაში (60%) და შპს „პანორამას“ (40%) ცნო.
„რუსთავი 2" აღნიშნული გადაწყვეტილების გაუქმებასა და საქმის პირველი ინსტანციის სასამართლოში ხელახლა განსახილველად დაბრუნებას მოითხოვს.
„რუსთავის 2-ს" სააპელაციო სასამართლოში გასაჩივრებულ გადაწყვეტილებასთან ერთად მოითხოვს საქალაქო სასამართლოს რამდენიმე განჩინებისა და საოქმო განჩინებების გაუქმებასაც.
