ვანო მაჭავარიანი უშიშროების საბჭოს მდივნის, ირინე იმერლიშვილის მოადგილედ დაინიშნა. ამის შესახებ პრეზიდენტის ადმინისტრაციაში გამართულ ბრიფინგზე პრეზიდენტის პრესსპიკერმა, ეკა მიშველაძემ განაცხადა.
„ვანო მაჭავარიანი კურირებას გაუწევს საერთაშორისო ურთიერთობებს. მას აქვს 25-წლიანი გამოცდილება დიპლომატიურ ურთიერთობებში და ასევე უსაფრთხოების საკითხებში, რაც ჩვენი აზრით, ძალიან წაადგება პრეზიდენტის ადმინისტრაციისა და უშიშროების საბჭოს საქმიანობას ამ მიმართულებით”, - განაცხადა ეკა მიშველაძემ.
ვანო მაჭავარიანს საგარეო ურთიერთობათა საკითხებში პრეზიდენტ გიორგი მარგველაშვილის მრჩევლის თანამდებობა ეკავა.
მოგვიანებით იგი პაატა ბურჭულაძის „საქართველოს განვითარების ფონდის" აღმასრულებელი დირექტორი იყო.
