თავდაცვის მინისტრის, თინა ხიდაშელის განცხადებით, დღეიდან სამინისტრო სამხედრო სავალდებულო სამსახურში აღარ გაიწვევს. აღნიშნული ინფორმაცია თავდაცვის მინისტრმა მედიას სპეციალურ შეხვედრაზე განუცხადა.
„ძალით მოყვანილი სამხედროები არ სჭირდება შეიარაღებულ ძალებს", - თქვა თინა ხიდაშელმა. მისივე განმარტებით, თუ შემდეგი თავდაცვის მინისტრი სავალდებულო სამხედრო სამსახურის აღდგენას გადაწყვეტს, მას მისი ბრძანებების გაუქმება მოუწევს.
ბრძანებას ხელი თავდაცვის მინისტრმა მედიასთან შეხვედრის დროს მოაწერა.
სამხედროების სავალდებულო გაწვევა შენარჩუნდება შინაგან საქმეთა სამინისტროში, სახელმწიფო უსაფრთხოების სამსახურსა და სასჯელაღსრულების სამინისტროში.
