რეგიონული განვითარებისა და ინფრასტრუქტურის სამინისტროს მობილიზაციისა და სამხედრო სამსახურში გაწვევის კოორდინირების დეპარტამენტის წარმომადგენლის განცხადებით, თავდაცვის სამინისტროს მიერ წვევამდელების გაწვევის გაუქმებით ახალწვეულთა რაოდენობა მინიმუმ 1000-ით შემცირდება.

როგორც სამინისტროში „ლიბერალს“ განუცხადეს, 2016 წელს შინაგან საქმეთა სამინისტრომ 720 წვევამდელი მოითხოვა, სახელმწიფო უსაფრთხოების სამსახურმა - 443, სასჯელაღსრულებისა და პრობაციის სამინისტრომ - 1200, ხოლო თავდაცვის სამინისტრომ - 1000.

გუშინ მედიასთან შეხვედრაზე თავდაცვის მინისტრმა, თინა ხიდაშელმა ხელი მოაწერა ბრძანებას, რომლის თანახმად, თავდაცვის სამინისტრო სამხედრო სავალდებულო სამსახურში ახალგაზრდების გაწვევაზე უარს ამბობს. 

სამხედროების სავალდებულო გაწვევა შენარჩუნდება შინაგან საქმეთა სამინისტროში, სახელმწიფო უსაფრთხოების სამსახურსა და სასჯელაღსრულების სამინისტროში.