გარემოსა და რესურსების დაცვის მინისტრი გიგილა აგულაშვილი თანამდებობაზე რჩება. ამის შესახებ „რესპუბლიკური პარტიის" სიის პირველმა ნომერმა, დავით უსუფაშვილმა განაცხადა.
„გიგლა აგულაშვილმა გააკეთა სხვა არჩევანი. იგი გაემიჯნა „რესპუბლიკურ პარტიას“ და რჩება მთავრობაში. ამ კონკრეტულ საკითხზე თავადაც გააკეთებს განმარტებას“, - განაცხადა დავით უსუფაშვილმა „რესპუბლიკური“ პარტიის ბრიფინგზე.
„რესპუბლიკური პარტიის" პირველი ნომრის, დავით უსუფაშვილის განცხადებით, თინათინ ხიდაშელი და პაატა ზაქარეიშვილი დატოვებენ მინისტრების თანამდებობებს.
