ვაკე-საბურთალოს რაიონის პოლიციამ კიდევ ერთი მოქალაქე ნარკოტესტირებაზე გადაიყვანა.
როგორც „ლიბერალისთვის“ გახდა ცნობილი, ის ოპერატიული ინფორმაციის საფუძველზე დააკავეს. დაკავებული უარს აცხადებს ნარკოლოგიური ტესტის ჩაბარებაზე.
„ლიბერალთან“ საუბრისას დაკავებულის მეგობარი თემო ხატიაშვილი ამბობს, რომ პოლიციის თქმით, მას ნარკოლოგიურში 12 საათის განმავლობაში გააჩერებენ.
შინაგან საქმეთა სამინისტროში აცხადებენ, რომ მისი დაკავება კანონის სრული დაცვით მოხდა, და იმ შემთხევაში თუ ის არ ჩააბარებს ბიულოგიურ მასალას, 12 საათის შემდეგ დატოვებს ნარკოლოგიურის შენობას. 
