სალომე ზურაბიშვილი მთაწმინდაზე დამოუკიდებელ მაჟორიტარ კანდიდატად იყრის კენჭს, - ამის შესახებ მან დღეს გამართულ ბრიფინგზე განაცხადა.
„არანაირი კონსულტაცია არ მქონია. სრულიად დამოუკიდებლად დავაყენე ეს კანდიდატურა იმ ადგილას, რომელიც ჩემთვის არის ყველაზე ბუნებრივი. ჩემი აქ ყოფნის ბოლო წლები მთაწმინდაზე მაქვს გატარებული. თბილისში ეს იყო ის ადგილი, სადაც ცხოვრობდნენ ჩემი მშობლები და წინაპრები, სანამ წავიდოდნენ“, - განაცხადა მან.
მისი თქმით, სანამ დამოუკიდებელ კანდიდატად დარეგისტრირებას გადაწყვეტდა, ძალიან ბევრმა მას მხარდაჭერა დაუდასტურა, „ასე რომ, ძალიან იმედიანად ვარ“, - ამბობს ზურაბიშვილი.
მისი თქმით, „მთაწმინდის რაიონის პრობლემები არის ადგილობრივი ხელისუფლების საკითხი, ის კი საქართველოს პრობლემებზე იმუშავებს".
