სააგენტო „როიტერის" ინფორმაციით, ჩინეთში წყალდიდობას სულ მცირე 87 ადამიანის სიცოცხლე ემსხვერპლა და ათასობით ადამიანი იძულებული გახდა სახლი დაეტოვებინა. 
ადგილობრივი საინფორმაციო სააგენტო, სამოქალაქო საქმეთა დეპარტამენტის ინფორმაციაზე დაყრდნობით წერს, რომ 72 ადამიანი დაიღუპა, 78 კი ჯერ კიდევ იძებნება ჰებეის ჩრდილოეთ პროვინციაში, მას შემდეგ, რაც ძლიერმა წვიმამ წყალდიდობა და მეწყერი გამოიწვია.
„დაახლოებით 50 000 სახლი ჩამოიშალა", - ნათქვამია განცხადებაში.   
ცენტრალურ პროვინცია ჰენანში სტიქიამ 15 ადამიანი იმსხვერპლა, 8 კი დაკარგულია. ძლიერი წვიმისა და ქარის გამო 72 000 ადამიანი იძულებული გახდა სახლი მიეტოვებინა. დანგრეულია დაახლოებით 18 000 საცხოვრებელი  
ადგილობრივი მედიისა და მთავრობის ინფორმაციით, წყალდიდობამ ჯამში დაახლოებით 8,6 მილიონი ადამიანი დააზარალა. 
როგორც ადგილობრივი მთავრობა აცხადებს, დაზიანდა 1,5 მილიონ ჰექტარზე გაშენებული ნათესები, შედეგად ეკონომიკური ზარალი 20 მილიარდ იენზე ($3 მილიარდი) მეტია.

ფოტო: Reuters / Darley Shen