დღეს მასწავლბელთა 7 საგნის გამოცდის,- გეოგრაფიის, ისტორიის, ბიოლოგიის, ფიზიკის, ქიმიის, სახვითი და გამოყენებითი ხელოვნებისა და მუსიკის  პირველადი შედეგები გამოქვეყნდა.

შედეგების ნახვა მასწავლებლებს შეუძლიათ ვებგვერდზე online.naec.ge. შედეგის გაგება მოკლე ტექსტური შეტყობინებითაცაა შესაძლებელი. ამისათვის აპლიკანტმა მობილური ტელეფონიდან საგამოცდო ბარათზე დატანილი საიდენტიფიკაციო კოდი უნდა გააგზავნოს ნომერზე 93333.

სააპელაციო განაცხადების მიღება დაიწყება ყველა საგნის გამოცდის შედეგის გამოქვეყნების შემდეგ.

გამოცდების სტატისტიკური ანალიზი მოგვიანებით, ყველა გამოცდის შედეგების გამოქვეყნების შემდგომ გახდება ცნობილი. 

მასწავლებელთა საგნის გამოცდები 8 ივლისს დაიწყო და 13 ივლისს დასრულდა. გამოცდებზე სულ 22 700-ზე მეტი აპლიკანტი დარეგისტირდა.

შეფასებისა და გამოცდების ეროვნული ცენტრის ინფორმაციით, გამოცდებზე დაახლოებით აპლიკანტების 73% გამოცხადდა.