ბრიტანეთის უზენაესმა სასამართლომ ინგლისის ეროვნული ჯანდაცვის უწყებას დაავალა, დააფინანსოს წამალი შიდსის პრევენციისთვის. 
თუმცა, როგორც BBC-ის იუწყება,  ეს არ ნიშნავს რომ ჯანდაცვის სერვისი ავტომატურად დააფინანსებს წამალს.
პრეპარატი ამჟამად გამოიყენება ამერიკაში, კანადასა და საფრანგეთში.
წამალს (PREP) 90%-ით შეუძლია შეამციროს აივ დაინფიცირების რისკი. პრეპარატი 400 ევრო ღირს. 
25 წლის ჰარი დოდი - ერთ-ერთი იმ 500 ადამიანს შორის, რომელიც პრეპარატს იღებს - ამბობს: 
„მე ვნახე ჩემი პარტნიორის შეშინებული სახე, რადგან მას ჰქონდა შიდსი. მნიშვნელოვანია, გქონდეს სექსუალური ურთიერთობა პარტნიორთან ყოველგვარი შიშის გარეშე. პრეპარატი აუცილებლად უნდა იყოს სოციალურად ხელმისაწვდომი. ზოგიერთი ფიქრობს, რომ ეს არის ჰედონიზმი. რეალურად, ის აუცილებელია, რომ შეინარჩუნო სიცოცხლე. წარსულში  ადამიანები ცინიკურად განიხილავდნენ კონტრაცეპტივებსაც კი“. 
„National Aids Trust“-ის მთავარი აღმასრულებელი, დებორა გოლდი საუბრობს პრეპარატის მნიშვნელობაზე და აღნიშნავს რომ გადაარჩენს უამრავ სიცოცხლეს. მან მოუწოდა ჯანდაცვის ეროვნულ უწყებას რომ დააფინანსოს პრეპარატი.