სახელმწიფო უსაფრთხოების სამსახური განცხადებას ავრცელებს, რომლის მიხედვით, ამავე სამსახურში არსებულმა, „თავისუფლების ქარტიამ“ წერილობით მიმართა შინაგან საქმეთა სამინისტროს. მათი ინფორმაციით, 2016 წლის 4 აგვისტოს იგეგმება ღონისძიება, რომელიც ორგანიზებულია ააიპ „სახალხო მოძრაობა სოციალისტური საქართველოს“ მიერ.
„ორგანიზაციამ შესაძლებელია, გამოიყენოს კომუნისტური ტოტალიტარული სიმბოლიკა. კომისიამ მიმართა შსს-ს, უზრუნველყოს კომუნისტური ტოტალიტარული იდეოლოგიის საფუძვლების გაღვივების წინააღმდეგ შესაბამისი პრევენციული ღონისძიებების განხორციელება და მიიღოს სათანადო ზომები. კომისიამ ასევე გაუგზავნა მიმართვა ააიპ „სახალხო მოძრაობა სოციალისტური საქართველოს“ თავმჯდომარე ვალერი კვარაცხელიას, რათა „თავისუფლების ქარტიამ“ საქართველოს კანონის მე-7 მუხლის მე-6 პუნქტის მოთხოვნების შესაბამისად, ზემოაღნიშნულ საჯარო ღონისძიებაში არ დაუშვას და აღმოფხვრას კომუნისტური ტოტალიტარული სიმბოლიკის გამოყენება, წინააღმდეგ შემთხვევაში, გამოყენებული იქნება საქართველოს კანონმდებლობით გათვალისწინებული პასუხისმგებლობის ზომები“ - ნათქვამია სუსის განცხადებაში.