„პარტიზანული მებაღეობა თბილისში" სოციალურ ქსელში ვიდეოს ავრცელებს, სადაც ჩანს, თუ როგორ ჭრიან ნაძვს. მათივე ინფორმაციით, ასწლოვანი ნაძვი პავლოვის 24-ში მოჭრეს.
„ლიბერალი" ადგილობრივ მცხოვრებს დაუკავშირდა. ნასტია სართანიას თქმით, კომპანია „ორბი ჯგუფი" პავლოვის ქუჩაზე 42-სართულიან შენობას აშენებს და, სავარაუდოდ ამ მშენებლობის გამო ჭრიან ასწლოვან ხეებს ქუჩაზე.
„ძალიან ბევრი ნაძვი იყო და გაჩეხეს. ახლა უკვე პატრულიც მოვიდა, მაგრამ უკვე ყველაფერი გაჩეხეს, ძალიან გვიანია. თუმცა დარჩა რამდენიმე ნაძვი და იქნებ ეს ნაძვები მაინც გადავარჩინოთ. " - ამბობს ნასტია სართანია.
„ლიბერალი" მერიის სამსახურთან დაკავშირებას ცდილობს.
