რუსეთის თავდაცვის სამინისტროს ოფიციალურ facebook გვერდზე გუშინ განცხადება გავრცელდა, სადაც წერია, რომ რუსეთის მიერ განხორციელებული საჰაერო თავდასხმის შედეგად სირიაში „ისლამური სახელმწიფოს“ ლიდერი, მუჰამედ ალ ადნანი მოკლეს.
CNN-ის ინფორმაციით, რუსეთის ეს განცხადება მკაცრად გააკრიტიკა და სასაცილო უწოდა აშშ-მა. მათი თქმით, თავდასხმა ალეპოს პროვინციაში ამერიკული უპილოტო საფრენი აპარატით მოხდა.
„ისლამურმა სახელმწიფომ“ გუშინ განცხადება გაავრცელა, სადაც მუჰამედ ალ ადნანის გარდაცვალება დაადასტურა. განცხადებაში ნათქვამია, რომ მოკლული ლიდერი იყო პასუხისმგებელი საზღვარგარეთ თავდასხმებზე, მათ შორის ევროპაში. იგი მნიშვნელოვანი სტრატეგი იყო და შესაბამისად „ისლამური სახელმწიფოსთვის“ დიდი დანაკარგია. ასევე, განცხადებაში „ისლამური სახელმწიფოს“ მებრძოლები ემუქრებიან მუჰამედ ალ ადდინის მკვლელებს.
