განათლებისა და მეცნიერების მინისტრის, ალექსანდრე ჯეჯელავას თქმით ახალი სასწავლო წლის დაწყებისთვის სკოლები მზად არიან. გამონაკლისს წარმოადგენს ცალკეული შემთხვევები, სადაც სარემონტო სამუშაოები დაჩქარებული ტემპით მიმდინარეობს, სამუშაოების დროულად დასასრულებლად.
მინისტრის თქმით, ათასწლეულის გამოწვევის კორპორაციის მიერ დაფინანსებული 100-მდე სკოლის რეაბილიტაცია 13 სკოლაში ახალი სასწავლო წლის დაწყებისთვის დასრულდება.
„ეს არის არაჩვეულებრივი სკოლები და ყველა ბავშვს ექნება საშუალება, არაჩვეულებრივ გარემოში განაგრძოს ან დაიწყოს სწავლა. რაც შეეხება სხვა სკოლებს, 600-მდე სკოლის რეაბილიტაცია მიმდინარეობს, ძალიან მასშტაბური სამუშაოებია. უმეტეს შემთხვევაში ყველაფერი მიდის კარგად, ცალკეულ შემთხვევებში, როგორიც არის მაგალითად ლამბალო, სიღნაღის მუნიციპალიტეში,მოგვიწევს, გამოვიყენოთ სასწავლო წლის დაწყების ორი კვირით გადაწევის კანონით გათვალისწინებული უფლება. მოკლედ არის სკოლები, სადაც ვერ მოვასწარით 15-ში სარეაბილიტაციო სამუშაოების დასრულება და სწავლამ შესაძლოა გადაიწიოს რამდენიმე კვირით.
საუბარია 3-4 სკოლაზე“,- ამბობს ჯეჯელავა.
ჯეჯელავას თქმით, წელს იმაზე მეტი პირველკლასელია, ვიდრე აქამდე იყო.