„დღეს ივანიშვილის პირადი დავალებით სპეცსამსახურების გადაცმული თანამშრომლებით დაკომპლექტებული და ნაყიდი, უკვე მიცვალებული, ექსპოლიტიკოსების ჯგუფი, ფაქტობრივად, თავს დაესხა შალვა ნათელაშვილის მშობლიურ სოფელ ბაზალეთს", - ამის შესახებ განცხადებას „ლეიბორისტული პარტია ავრცელებს.
პარტიის ინფორმაციით, ისინი შევიდნენ მოსახლეობასთან პირდაპირ კონფლიქტში, რაც შეიძლებოდა დამთავრებულიყო ძალიან სავალალოდ.
„პოლიცია, როგორც წესი, დუმდა და არ გამოჩენილა. მივმართავთ საერთაშორისო ორგანიზაციებსა და საქართველოში აკრედიტებულ დიპლომატიურ კორპუსს, დასვან საკითხი კრიმინალ ივანიშვილის საქმიანობის აღსაკვეთად, რომელიც უკვე პოლიტიკურ მოწინააღმდეგეთა სოფლების დარბევაზე გადავიდა და სამოქალაქო ომისკენ მიაქანებს ქვეყანას. ეს თავდასხმა ზუსტად დაემთხვა დროში ივანიშვილის განცხადებას, რომელშიც მან სამარცხვინო უწოდა შალვა ნათელაშვილისა და „ლეიბორისტული პარტიის" მხარდამჭერებს. ამით მან თავისი მოსახლეობის უდიდეს ნაწილს გამოუცხადა ომი. რის მწარე შედეგებსაც მალე დაკრეფს”,- აღნიშნულია განცხადებაში.