თბილისის საკრებულოს თანხმობით, საქართველოს საპატრიარქოს თბილისში 2798 კვ.მ. მიწის ნაკვეთი გადაეცა.

ამ საკითხზე დღეს საკრებულოში მოხსენებით მერიის ქონების მართვის სააგენტოს წარმომადგენელი კარლო ლაფერაძე გამოვიდა. სხდომაზე შემდეგი საკითხები განიხილეს:

1. საქართველოს სამოციქულო ავტოკეფალური მართლმადიდებელი ეკლესიისთვის ქ.თბილისში სანდრო ეულისა და ნაფეტვრებისკენ მიმავალი გზის მიმდებარედ არსებული 1642 კვ.მ. მიწის ნაკვეთის (ს/კ.: №01.14.05.008.270) პირდაპირი განკარგვის ფორმით პრივატიზებისა და შესაბამისი ხელშეკრულების პირობების შეთანხმების თაობაზე (საკრებულოს №04/16342 09.09.2016, №04/16388 12.09.2016)

2. საქართველოს სამოციქულო ავტოკეფალური მართლმადიდებელი ეკლესიისთვის ქ.თბილისში, ქინძმარაული ქ.№53ა-ს მიმდებარედ არსებული 1156 კვ.მ. მიწის ნაკვეთის (ს/კ.: №01.19.33.015.129) პირდაპირი განკარგვის ფორმით პრივატიზებისა და შესაბამისი ხელშეკრულების პირობების შეთანხმების თაობაზე (საკრებულოს №04/16342 09.09.2016, №04/16388 12.09.2016).

როგორც საკრებულოს პრესსამსახურში აცხადებენ, კენჭისყრის შედეგად ორივე საკითხი დაკმაყოფილდა.